Estatz atents! Ei ua leçon de jacobinisme
Eth partit socialista francés a presentat ena assemblea nacionau ua proposicion de Lei constitucionau damb era finalitat de ratificar era Carta Europea des lengües regionaus o minoritàries.
Dempús d’un long preambul a on explique que no se trate de hèr oficiau cap auta lengua, ne de amendrir era importància e primacia dera lengua francesa era proposicion demane d’incorporar eth següent redactat ena Constitucion:
“Era Republica pòt ratificar era Carta europèa des lengües regionaus o minoritàries (...) exposant que:
1.- er emplec deth tèrme“grops” de locutors ena part II dera Carta no conferís drets collectius entàs locutors des lengües regionaus o minoritàries. Eth Govèrn dera Republica interprète era Carta en un sentit compatible damb eth Preambul dera Constitucion qu’assegure era igualtat de toti es ciutadans sense distincion d’origen, de raça o de religion e que
2.- [es articles senhalats] non van contra er article 2 dera Constitucion segontes eth quau er emplec deth francés s’impòse as persones moraus de dret public e as persones de dret privat en exercici d’ua mission de servici public,talament coma as usatgèrs enes sues relacions damb es administracions e servicis publics” .
Ua bèra manèra de non ratificar arren o entà dide’c d’ua auta forma: era ratificacion dera Carta qu’a de protegir es lengües se convertirà en acte de persecucion des drets des usatgèrs des lengües. Polit! E, eth Congrès, eth passat dimars,i a votat a favor per mès de 3/5. Ara anarà entath Senat.
Estatz atents! Ei ua leçon de jacobinisme.
Jusèp Loís Sans Socasau
Esquerra Republicana Occitana
Aran
Dempús d’un long preambul a on explique que no se trate de hèr oficiau cap auta lengua, ne de amendrir era importància e primacia dera lengua francesa era proposicion demane d’incorporar eth següent redactat ena Constitucion:
“Era Republica pòt ratificar era Carta europèa des lengües regionaus o minoritàries (...) exposant que:
1.- er emplec deth tèrme“grops” de locutors ena part II dera Carta no conferís drets collectius entàs locutors des lengües regionaus o minoritàries. Eth Govèrn dera Republica interprète era Carta en un sentit compatible damb eth Preambul dera Constitucion qu’assegure era igualtat de toti es ciutadans sense distincion d’origen, de raça o de religion e que
2.- [es articles senhalats] non van contra er article 2 dera Constitucion segontes eth quau er emplec deth francés s’impòse as persones moraus de dret public e as persones de dret privat en exercici d’ua mission de servici public,talament coma as usatgèrs enes sues relacions damb es administracions e servicis publics” .
Ua bèra manèra de non ratificar arren o entà dide’c d’ua auta forma: era ratificacion dera Carta qu’a de protegir es lengües se convertirà en acte de persecucion des drets des usatgèrs des lengües. Polit! E, eth Congrès, eth passat dimars,i a votat a favor per mès de 3/5. Ara anarà entath Senat.
Estatz atents! Ei ua leçon de jacobinisme.
Jusèp Loís Sans Socasau
Esquerra Republicana Occitana
Aran